Védís Alma í Gallerí Sykri
Listamaðurinn sem sýnir nú í Gallerí Sykri heitir Védís Alma Jónsdóttir. Hún er aðeins nítján ára og er þetta hennar fyrsta sýning. Teikningar hennar eru flestar unnar með blýanti eða penna og verða til áreynslulaust. Hún skissar ekki, heldur kemur hugmyndin fullmótuð niður á blað. Litir eru notaðir sparlega, helst til að ná fram hughrifum eða til að undirstrika sjálfa teikninguna.
Hingað til hefur Védís helst verið að teikna fyrir sjálfa sig á venjuleg A4 blöð og hefur ekki sótt sér neina menntun í faginu. Ljóst er að hér er hins vegar um náttúrutalent að ræða og með smávegis hvatningu setti hún upp metnaðarfulla sýningu í Molanum. Sýning hennar í Gallerí Sykri stendur til 16. júní og eru allir hvattir til að kíkja við.
Allir eru velkomnir og aðgangur ókeypis!
Lesa meira af: Védís Alma í Gallerí Sykri »
Molinn á Kópavogsdögum 2010
Kópavogsbær efndi til árlegrar bæjarlistahátíðar á dögunum þar sem menningarstofnanir kynntu starfsemi sína og buðu bæjarbúa og aðra gesti velkomna. Var dagskráin glæsileg og stóð fólki til boða að sækja yfir 200 viðburði. Í ár voru Kópavogsdagar tileinkaðir listamanninum Sigfúsi Halldórssyni en hann var afkastamikill á sviðum myndlistar og tónlistar.
Dagskrá Molans á Kópavogsdögum var fjölbreytt og skemmtileg. Föstudaginn 14. maí var haldið menningarpartý þar sem þemað var franskt og bakkelsið heimalagað. Valgerður Ýr Magnúsdóttir, nemi, sá alfarið um veitingarnar en hún er að safna sér fyrir námi í lýðháskóla í Noregi. Tilvonandi starfsmenn Skapandi sumarstarfa mættu á svæðið og voru boðnir sérstaklega velkomnir ásamt því að Linda Udengård opnaði myndlistarsýningu í Gallerí Sykri.
Laugardaginn 15. maí var haldið svokallað Molaport í Molanum. Það er markaður sem Ungliðahreyfing Rótarý hefur staðið fyrir undanfarin tvö ár. Þar var að kenna ýmissa grasa og gat fólk nælt sér í alls konar varning á vægu verði, gætt sér á veitingum og hlustað á lifandi tónlist. Byrjað var á því að heiðra listamanninn Sigfús Halldórsson með tónleikum undir yfirskriftinni: “Hvernig heyrir unga fólkið Fúsa?”. Ungt og upprennandi tónlistarfólk úr Kópavogi steig á stokk og lék helstu dægurperlur Sigfúsar. Þess ber að nefna að þau nutu leiðsagnar Björns Thoroddsen, eins fremsta gítarleikara landsins. Tónleikarnir voru afar vel heppnaðir og framtakið lofað með dynjandi lófataki gesta. Ungir tónlistarmenn héldu áfram að eiga sviðið og fram komu meðal annars hljómsveitin Tímaþjófarnir, Andra-tríóið, Quasi-kvartettinn, ungar blússöngkonur úr FÍH og fleiri.
Lesa meira af: Molinn á Kópavogsdögum 2010 »
Menningarhátíð í Kópavogi!
Kynntu þér dagskrá Kópavogsdaga með því að smella hér!
Árleg menningarhátíð Kópavogsbæjar hófst í gær með opnun sýningarinnar “Fúsi á ýmsa vegu” í Tónlistarsafni Íslands. Sýningin er tileinkuð Sigfúsi Halldórssyni en hann var afkastamikill listamaður og tónskáld og samdi margar af þekktustu dægurlagaperlum íslenskrar tónlistar eins og Vegir liggja til allra átta og Lítill fugl.
Sigfús bjó lengi í Kópavogi og fyrir framlag sitt til listarinnar hlaut hann nafnbótina heiðurslistamaður og var seinna útnefndur heiðursborgari Kópavogs. Sýningin er unnin í samvinnu við afkomendur Sigfúsar og á Tónlistarsafninu má meðal annars sjá ýmsa persónulega muni hans, s.s. bréf og myndir.
Molinn hvetur unga sem aldna til að fá sér göngutúr um menningarstofnanirnar hér á holtinu og kynna sér dagskrá hátíðarinnar en í boði eru hátt í 200 menningarviðburðir.
Molinn er með opið frá 10-22 út vikuna vegna námsversins en því lýkur á föstudaginn. Sérstakir dagskrárliðir vegna Kópavogsdaga eru eftirfarandi:
FÖSTUDAGURINN 14. maí:
Molinn, mais oui! frá kl. 20-23. Frönsk stemning á föstudagskvöldi. Myndlist, tónlist, unglist! Opnun á sýningu Védísar í Gallerí Sykri. Heimalagaðar pönnukökur og þverröndótt þema. Kaffið verður brakandi gott, rjóminn silkimjúkur og pönnukökurnar heimalagaðar. Gríptu tækifærið og njóttu líðandi stundar – í Molanum.
LAUGARDAGURINN 15. maí:
Molaportið, frá kl. 13-17: Molaportið er árlegur viðburður þar sem öllum gefst tækifæri til að láta gott af sér leiða. Gefðu, keyptu, seldu, fáðu og sjáðu!
Unga fólkið og Fúsi, frá kl. 14-16: ungt tónlistarfólk úr Kópavogi leikur helstu tónlistarperlur Sigfúsar Halldórssonar undir handleiðslu Björns Thoroddsen gítarleikara. Mættu í Molann og leyfðu listinni að gleðja augu þín og eyru!
Verið velkomin!
Lesa meira af: Menningarhátíð í Kópavogi! »
Ramses og félagar í Molanum
Hingað til hefur Molinn látið lítið að sér kveða í rappsenunni og hafa metalböndin setið ein að kjötkötlunum. En það er allt að breytast. Molinn hélt debjút-tónleika í gær þar sem rappið fékk að njóta sín í fyrsta sinn á sviðinu. Rappkúltúrinn hefur ætíð blómstrað í Kópavoginum og rímurnar flætt beggja vegna Hamraborgarinnar og nú er ekki aftur snúið fyrir Molann. Ljóst er að lókalinn hentar feikivel fyrir rappara sem vilja að boðskapurinn komist til skila því nálægðin við áhorfendur er mikil og bassinn kröftugur.
Ramses mætti ferskur ásamt BRR, DJ Ace, Orra Err og JeyBí, sem steig fyrstur á svið. BRR tók 3 lög en hápunktur kvöldsins var þegar Ramses mætti á svæðið enda með mjög þétt efni. Endilega tékkiði á honum á youtube, þar er að finna lög eins og Kinkaðu kolli og Ég er hiphop en Ramses er sjálfur að mixa.
Lesa meira af: Ramses og félagar í Molanum »
Tónleikar á miðvikudaginn!
Meira infó -smellið á myndina!
Lesa meira af: Tónleikar á miðvikudaginn! »
Skapandi Sumarstörf 2010 -Nú er hægt að sækja um!
Hópum og einstaklingum á aldrinum 17-25 ára býðst að starfa við eigin skapandi verkefni í Kópavogi.
Krafist er skriflegrar umsóknar. Umsóknum um Skapandi Sumarstörf skal skila skriflega í Molann, Hábraut 2, 200 Kópavogi, merktum „Skapandi sumarstörf“ en auk þess þarf að sækja um rafrænt á sérstökum umsóknarvef bæjarins sem opnaður verður bráðlega.
Skila þarf inn umsókn þar sem fram koma eftirfarandi upplýsingar:
• Greinargóð lýsing á verkefninu, umfangi þess og markmiðum.
• Tíma- og verkáætlun verkefnisins.
• Fjárhagsáætlun.
• Upplýsingar um alla aðstandendur verkefnisins og tilgreindur einn tengiliður verkefnisins.
Hæfniskröfur
Umsækjendur þurfa að vera á aldrinum 17-25 ára og hafa lögheimili í Kópavogi.
Við val á verkefnum verður meðal annars tekið tillit til raunhæfni og frumleika verkefnisins, fjárhagsáætlun, fjölbreytni verkefna, kynjahlutfalli umsækjenda og gæði umsókna.
Nánari upplýsingar veitir Andri Lefever í símum 570 1646 / 840 2609 eða í tölvupósti, andri@molinn.is.
Lesa meira af: Skapandi Sumarstörf 2010 -Nú er hægt að sækja um! »
Mæður & Meðganga, fundur 1. mars
Mæður & Meðganga er opinn hópur fyrir ungar bumbur á aldrinum 16-25 ára (dagskráin er miðuð við þennan aldur en allar eru velkomnar!).
Við hittumst alla mánudaga frá 16.00-18.00 hér í Molanum og aðgangur er alveg ókeypis.
Dagskrá næsta fundar ber yfirskriftina “Hvað er eðlilegt á meðgöngu?” og ætlar Fríða ljósmóðir að setjast með okkur í létt spjall. Við hvetjum allar bumbur til að mæta og nýta sér tækifærið.
Verið velkomnar :)
Lesa meira af: Mæður & Meðganga, fundur 1. mars »
Skyndihjálp ungbarna
Á næstu mánuðum ætlar Molinn að vera duglegur í námskeiðahaldi.
Strax í byrjun mars mæta fulltrúar RKÍ að kenna ungbarnaskyndihjálp enda skiptir sköpum að kunna réttu handtökin þegar lífið liggur við. Fullt er orðið í námskeiðin sem haldin verða mánudaginn 1. mars en sökum mikillar eftirspurnar ætlum við að reyna að fá RKÍ aftur í heimsókn svo að allir læri fyrstu hjálp.
Upplýsingar um næstu námskeið og dagsetningar munu birtast hér á síðunni. Verið dugleg að fylgjast með og kíkja við. Við minnum einnig á opna bumbuhópinn okkar á mánudögum kl. 16-18.
Molinn – alltaf góður
Lesa meira af: Skyndihjálp ungbarna »
Mæður & Meðganga, breyttur tími
Félagsskapur – Fræðsla – Námskeið
fyrir ungar bumbur á aldrinum 16-25 ára
Elsku bumbur!
Við ákváðum að breyta þessu aðeins og hittast frekar vikulega á mánudögum frá 16-18. Hinn tíminn hentaði illa þar sem margar eru að vinna og komust þess vegna ekki. Næsti fundur er mánudaginn 22. mars og hvetjum við sem flestar til að kíkja við, margt skemmtilegt fram undan!
Ef einhverjar spurningar vakna, ekki hika við að hafa samband við Írisi í síma 848-7672 eða á netfangið irisb@kopavogur.is
Lesa meira af: Mæður & Meðganga, breyttur tími »
Bretta/skíðaferð til Dalvíkur
Leiðinlegt að vita af brettagræjunum að safna ryki? Bláfjöll eru að skíta upp á bak. Það er snjór á Dalvík! Brettaklúbbur Molans er að skipuleggja helgarferð til Dalvíkur. Helgina 19.-21. mars verður hópferð frá Molanum -ungmennahúsi. Það er pláss fyrir 40 manns á aldrinum 16-25 ára. Nánari upplýsingar hjá starfsfólki Molans. Komið í Molann og fáið upplýsingabréf um dæmið. Aðeins 40 sæti í boði, ekki drolla.
Lesa meira af: Bretta/skíðaferð til Dalvíkur »