Músíktilraunir voru haldnar í lok mars mánuðar. Við í Molanum viljum þakka þeim sem tóku þátt fyrir frábæra tónleika. Við viljum sérstaklega óska kópavogsfólkinu okkar, Útrás, Cleetus the Fetus og The Lovely Lion, til hamingju, þið stóðuð ykkur öll eins og hetjur. Við tókum upp nokkur atriði og er þau nú komin á þútúbuna.

Tjekkið á þeim með því að ýta HÉR

Það er komið að fyrsta hittingnum hjá Ungaló mánudaginn 16. janúar kl. 16 hér í Molanum.

Ungaló er meðgöngugrúppa fyrir stelpur 20 ára og yngri. Markmiðið er að hittast reglulega, spjalla fá stuðning, fræðast og gera eitthvað skemmtilegt.

Viltu frekari upplýsingar? Hafðu samband við Írisi á netfangið iris@molinn.is eða hringdu í síma 570-1646.

Verið velkomnar og gleðilegt 2012.

Ungaló eða U20 er meðgöngugrúppa fyrir þær sem eru yngri 20 ára. Aðaltilgangurinn er að hittast reglulega, spjalla, fá stuðning, fræðast og gera eitthvað skemmtilegt í góðum félagsskap. Molinn tekur vel á móti öllum með góðri aðstöðu, hrikalega kósý stemningu og agalega næs fólki.

Fræðsla verður um þá þjónustu sem er í boði fyrir konur fyrir og eftir fæðingu og upplýsingar um sniðug námskeið sem hægt er að sækja. Ljósmæður kíkja einnig í heimsókn og svara spurningum um allt á milli himins og jarðar.

Fyrir frekari upplýsingar um Ungaló hafðu þá endilega samband við Írisi, netfangið er iris@molinn.is og gsm. 848-7672.

Ekki hika við að adda Molanum á Facebook, þar er hægt að sjá myndir og fylgjast með hvað er í gangi hverju sinni.

Ást og friður!

Breytir sér í námsver dagana 30. nóvember til 9. desember og þá verður opið mán-fös frá 10-22 á kvöldin. Frábær aðstaða og gott atmó fyrir námsmenn í prófunum. Langþráðar ristaðar beyglur, kaffi, kakó, safi og mandarínur á tilboði í Molakaffi. Púúl og fússball í pásum. Og það er meira…

Ókeypis námsaðstoð í stærðfræði! Hún getur verið pain en það er hægt að kippa því í lag. Ekki sitja ein/n heima með vandamálin, mættu í Molann eftirfarandi daga og fáðu hjálp:

16.00-18.00 Fimmtudagurinn, 1. desember

16.00-18.00 Mánudagurinn, 5. desember

16.00-18.00 Fimmtudagurinn, 8. desember

Hálsatorg
16.00 – 17.00 Tendrað á ljósum vinabæjarjólatrésins. Skólahljómsveit Kópavogs spilar jólalög. Sendiherra Svíþjóðar, Anders Ljunggren, afhendir vinabæjartréð frá Norrköpping. Forseti bæjarstjórnar, Hjálmar Hjálmarsson, tekur á móti jólatrénu fyrir hönd Kópavogsbæjar. Samkór Kópavogs syngur jólalög. Jólasveinar koma í heimsókn.

Molinn – Ungmennahús
14.00 – 18.00 Kaffihúsið opið, jólastemning, tónlist og myndlist. “Street-Art” Opin vinnustofa, afrakstur vinnunnar sýndur og gestir hvattir til að taka þátt.

Laufabrauðsdagurinn á Gjábakka
13.00 Handverksmarkaður opnar og laufabrauðsgerðin hefst
14.00 Tríóið Friends4ever
15.00 Samkór Kópavogs
16.15 Skólahljómsveit Kópavogs
14.00 – 16.30 Veitingar, kaffi og súkkulaði verður afgreitt í kaffiteríu

Jólabasar Rauða krossins
14.00 – 18.00 Rauðakrosshúsið Hamraborg 11, 2. hæð. Selt verður handverk eftir sjálfboðaliða, sauma- og prjónavörur, handgert jólaskraut ásamt öðru föndri. Allur ágóði rennur til verkefna innanlands.

Bókasafn Kópavogs og Náttúrufræðistofa
15.00 – 16.00 Jólakötturinn verður á kreiki í Safna- húsinu að heilsar upp á krakka. Skemmti- og fræðslu- erindi um jólaköttinn í máli og myndum fyrir 4-6 ára börn. Slóð kattarins rakin um húsið og lesin skemmtileg jólasaga. Dýrin í Náttúrufræðistofunni skrýðast jóla- búningi. Nýjar og gamlar jólabækur eru til útláns í bókasafninu.

Tónlistarsafn Íslands
12.00 – 16.00 Sýning um höfund þjóðsöngsins, Sveinbjörn Sveinbjörnsson.

Myndlistarmenn
Listamenn í miðbæ Kópavogs hafa tekið sig saman og opna vinnustofur sínar helgina 26. og 27. nóvember kl. 13.00 – 17.00. Komið og skoðið listamenninguna í Kópavogi, heitt á könnunni og allir velkomnir í jólastemningu og smitandi gott jólaskap.

Glergallerí Jónasar Braga og Catherine Dodd, Auðbrekku 7. Listamenn Art-11, Auðbrekku 4, 2. hæð. Listamenn í Norm-X húsinu Auðbrekku 6, 2. og 3. hæð, (ath. aðeins opið 26. nóv., kl. 13.00 – 17.00). Listhúsið, Auðbrekku 2. Skruggusteinn, vinnustofa fimm listamanna, Auðbrekku 4, 2. hæð. Stúdíó Subba, Hamraborg

Molinn býður alla gesti gvuðvelkomna að kíkja við frá kl. 14-18 laugardaginn 26. nóvember og sötra kakó, maula smákökur, hlusta á tónlist og kíkja á Street Art.

Það verður opin vinnustofa þar sem hægt er að skoða þau verk sem eru í vinnslu, jafnvel grípa í útskurðarhníf og spreyta sig með spreyið! Lifandi tónlistaratriði frá tríóinu Friends4Ever og starfsmenn Molans taka lagið. Taktu þér hlé frá amstrinu og fáðu þér smá jól!

Laugardagsopnunin er í tilefni af tendrun á ljósanna á vinabæjarjólatrénu á Hálsatorgi. Einnig verða ýmis jólaundur og skemmtilegheit í boði fyrir unga sem aldna á Bókasafni Kópavogs, Náttúrufræðistofu, Gerðarsafni, á Gjábakka, í Rauða Krossinum og opnar vinnustofur hjá listamönnum í Auðbrekku og Hamraborg.

Hægt er að kynna sér dagskrána í heild sinni á www.kopavogur.is og hér á heimasíðunni okkar.

Jólakveðjur…þinn Moli.

Nóvember er þéttskipaður.

Námskeið í leikhúsförðun. Föstudagurinn 11. nóv og þriðjudagurinn 15. nóv frá 16-18. Förðunarfræðingur fer yfir grunnatriðin sem þarf að hafa í huga þegar farðað er fyrir leikrit og svið. Litaval, lýsing, skygging, að öldrun og ynging karaktera, ofl.

Opin “fyrir&eftir” vinnustofa. Það leynist fjársjóður í geymslum og bílskúrum! Eina sem þarf að gera er að mæta með eitthvað sem þú vilt gera upp eða gefa nýtt útlit, og voilá! þú ert komin/n með frábæra (og ódýra!) jólagjöf. Þetta er hrikalega skemmtilegt og auðvelt. Engin sérstök tímasetning, hægt að mæta þegar maður vill.

Street Art smiðja. Alla þriðjudaga og fimmtudaga frá kl. 18-20 fram að jólum. Nikhil Kirsh leiðir vinnustofuna, kennir stensla og tækni. Komdu þínum pælingum á framfæri! Í lokin verður svo haldin sýning á verkunum. Frábært tækifæri fyrir alla áhugasama – og auðvitað ókeypis!

Vilt þú sýna á Safnanótt 2012?? Umsóknarfrestur til 10. desember. Við erum að leita að ungu og spírandi listafólki sem hefur áhuga á að taka þátt í einum stærsta sameiginlega listaviðburði ársins. Hægt er að senda fyrirspurnir og umsóknir á molinn@molinn.is eða heyra í okkur á Facebook.

Jólamolinn á fimmtudagskvöldum. Skartgripagerð, jólakortagerð og jólaföndur. Það er ekkert mál að búa til töff armbönd, hálsmen og eyrnalokka. Spurðu bara Valborgu, hún er geniusinn.

Námsverið 28. nóv-9. des. Það þekkja allir námsverið. Molinn tryggir fullkomið jafnvægi á milli vinnutarna og tjillsss. Eins og áður verða í boði ókeypis aukatímar fyrir þá sem vilja skerpa á einhverjum atriðum, td. í stærðfræðinni. Það er engin ástæða til að falla með fjórakommaníu. Ekki þessi jólin! Fylgstu með á Facebook.

Molinn verður lokaður föstudaginn 14. október 2011 vegna landsfundar ungmennahúsa á Íslandi. En það er ekkert að óttast, við opnum vitrari, betrari og skemmtilegari í næstu viku!

Opið verður í Molanum frá 10:00-16:00 og við verðum hér að taka við umsóknum og svara spurningum.

Hópum og einstaklingum býðst að starfa við skapandi verkefni í Kópavogi. Um er að ræða starf í allt að 7 vikur á tímabilinu 30. maí til 22. júlí 2011. Allir umsækjendur verða að vera með lögheimili í Kópavogi.

Athugið, tvöfalt umsóknarferli.

Það þýðir að allir umsækjendur þurfa að sækja um rafrænt á www.kopavogur.is en einnig með skriflegri umsókn. Skriflegum umsóknum skal skila í Molann, Hábraut 2, 200 Kópavogi, merktum “Skapandi sumarstörf”.

Helstu verkefni og ábyrgð

Í skriflegu umsókninni þurfa að koma fram eftirfarandi upplýsingar:

• Greinagóð lýsing á verkefninu, umfangi þess og markmiðum
• Tíma- og verkáætlun verkefnisins
• Fjárhagsáætlun
• Upplýsingar um alla aðstandendur verkefnisins og tilgreindur einn tengiliður verkefnisins

Hæfniskröfur

Umsækjendur þurfa að vera fæddir árið 1993 eða fyrr og hafa lögheimili í Kópavogi. Við val á verkefnum verður meðal annars tekið tillit til raunhæfni og frumleika verkefnisins, fjárhagsáætlun, fjölbreytni verkefna, kynjahlutfalli umsækjenda og gæði umsókna.

Athugið að aðeins er um laun að ræða en ekki önnur fjármögnun á verkefninu.

Frekari upplýsingar um starfið

Launakjör samkvæmt kjarasamningi Kópavogsbæjar og Eflingar.

Starfshlutfall:  100%

Starfstímabil:  frá 30. maí til 22. júlí, allt að 7 vikur

Nánari upplýsingar veitir Andri Lefever í síma 570 1646 / 840 2609 eða í tölvupósti, andri@kopavogur.is.