Uppskeruhátíð Skapandi sumarstarfa 2010
Skapandi sumarhópar bjóða Kópavogsbúum og öðrum borgurum heimsins á uppskeruhátíð
þriðjudaginn 20. júlí og miðvikudaginn 21. júlí. Alls voru í sumar 42 þátttakendur sem unnu að mismunandi verkefnum. Allir eru hjartanlega velkomnir, það er ókeypis inn á báða atburðina og veitingar í boði. Vert er að hafa í huga að tónlistarveislan á þriðjudaginn er í Salnum en sýningin á miðvikudaginn verður í Molanum.
Þriðjudagur, kl. 20 í Salnum:
Heljarinnar tónlistarveislu verður slegið upp í Salnum, Kópavogi, klukkan 20.00. Um er að ræða ólíka tónlistarhópa sem tefla fram fjölbreyttri dagskrá. Í sumar hafa þau komið fram á hinum ýmsustu viðburðum, víðsvegar um Kópavog og nágrenni.
Fram koma meðal annars:
Team Rocket
Pípóla
Tríóið Drulla
Nordisk Familjebok
Sjúklega Sveittir!
Miðvikudagur, kl. 20 í Molanum:
Skapandi-starfsmenn bjóða gesti velkomna og sýna frá starfsemi sumarsins. Meðal annars verður boðið upp á ljósmyndasýningar, afrakstur fatahönnuða og rithöfunda, vídjóverk og starf Jafningjafræðslu Kópavogs.
Þeir sem koma að þessari sýningu eru:
Agla Egilsdóttir
Sigrún Skaftadóttir
Birna Jensdóttir
Fríða Ísberg
Friðmey fatahönnun
Nína Hjálmarsdóttir
Nordisk Familjebok
Sigurbjörg Stefánsdóttir
Rauði fálkinn
Vignir Árnason
Team Falcon Punch
Jafningjafræðslan
Verið öll hjartanlega velkomin!!
Lesa meira af: Uppskeruhátíð Skapandi sumarstarfa 2010 »
Skapandi-fólk rokkar á leikskólum Kópavogs
Team Rocket spilar fyrir leikskólakrakkana á Álfatúni
Björgvin, Gísli Páll, Gauti og Daníel Smári mynda grúppuna Team Rocket. Þeir taka að sér stærri og smærri gigg og hafa verið að koma fram víðs vegar um Kópavoginn. Þetta eru þaulvanir stælgæjar og músíkantar og vöktu mikla kátínu á meðal ungra áheyrenda í leikskólanum á Álfatúni þegar þeir mættu að spila í vikunni.
Lesa meira af: Skapandi-fólk rokkar á leikskólum Kópavogs »
Skemmtilegt og bjart.
Við hittum Birnu einn skemmtilegan föstudag í hádeginu og tókum hana tali og smelltum af henni myndum.
Hún er hress og mjög skapandi. Þetta er þriðja árið hennar í skapandi sumarstörfum og alltaf er hún með eitthvað nýtt á prjónunum.
Hvernig verkefni ertu með ?
Mannlífs- og portrait-myndir sem ég ætla að taka víðsvegar um höfuðborgarsvæðið.
Ég ætla síðan að fá vinkonur minar til þess að sitja fyrir á portrait-myndum.
Hefurðu lært eitthvað tengt ljósmyndun?
Nei, en ég er lærður grafískur miðlari úr Tækniskólanum (sem hét áður Iðnskólinn í Reykjavík). Þar lærði ég grunn í myndvinnslu.
Vinnirðu mikið myndirnar?
Já, eitthvað – fixa birtuna og litina.
Hvað er planið fyrir sumarið?
Planið er að halda sýningu í lok sumars í Molanum.
Ætlarðu að leggja ljósmyndun fyrir þig sem ævistarf?
Nei, ætlar frekar í auglýsingahönnun og væri þá helst til í að læra það erlendis.
Hvernig sérðu sumarið?
Skemmtilegt og bjart.
Við getum kvittað undið það að Birna er klár ljósmyndari, höfum við séð nokkrar myndir og að verður spennandi að sjá hvernig henni á eftir að ganga í sumar. Við fáum svo vonandi myndir hjá Birnu til að birta hér á Molanum.
með bjartakveðju RANDOM ARTICLE!
Lesa meira af: Skemmtilegt og bjart. »
HALLDÓRA FRIÐMEY
Halldóra Friðmey er ungur fatahönnuður í Kópavoginum sem við hittum eftir að við vorum búnar að grilla saman ásamt öðru skapandi fólki í Kópavogi.
Halldóra var í fötum og með skart sem hún hannaði sjálf, hún var svolítið feimin en við náðum nokkrum gullmolum frá henni.
Hvað er nafnið á verkefninu þínu?
Ég hanna undir nafninu Friðmey sem er seinna eiginnafn mitt
Hvar ertu að læra fatahönnun?
Ég er á listnámsbraut í FB að læra fatahönnun.
Hvaða hönnuður, hönnun eða stíll veitir þér mestan innblástur?
Ég er mjög hrifin af svokallaðri Emo scene og punk rokki, Mér finnst líka þetta 50’s 60’s look mjög spennandi og hrífst af því looki
Hvert verður verkefni þitt í sumar?
Ég er ekki alveg komin með lokaákvörðun um það en ég ætla að búa til hettupeysur, bolakjóla, leggings og skartgripi.
Verður með sýningu i lok sumars?
Já einskonar sýningu , ég er ekki búin að taka ákvörðun um það hvernig hún verður nákvæmlega, ég er alltaf að fá nýjar hugmyndir á hverjum degi.
Við erum virkilega spenntar að fá að sjá fleira af fatalínunni Friðmey og látum ykkur vita með fyrirvara þegar Halldóra setur upp sýningu.
Kveðja með kærleik RANDOM ARTICLE
Lesa meira af: HALLDÓRA FRIÐMEY »
Nordisk Familjebok
Við píurnar Agla og Sigrún hittum skemmtilega Kópavogsstráka sem eru að gera góða hluti í raftónlist í hljómsveitinni Nordisk Familjebok! Þeir eru búnir að vera æfa sig á fullu en fengu sér smá pásu til þess að eiga við okkur örfá orð.
Á hvað spilið þið?
Emil : trommur
Sindri : gítar
Hjalti reynir að vera fyndinn og svarar og segist spila á sítar af því það rímar við gítar, en hann samt spilar ekkert á sítar – hann sér um sjónlist fyrir bandið.
Bragi: Forritari
Nú eru þið frekar alvarlegir menn (samt ekki). Hver er sá alvarlegasti af ykkur?
-(allir í kór)Emil
Hvernig tónlist spiliði?
-Tilraunakennda raftónlist
Hvernig hljómar sumarið?
-Ekkert planað en það verður tryllt seinnipart sumars
Ætli þið að halda áfram eftir sumarið?
-Já, ef sumarið gengur vel,
Cash Money Fame…
Lokarorð
-Sólin vermir bakið
en er hún leggst yfir bakið
því fær ekki breytt….
(svo mundu þeir ekki afganginn af ljóðinu sínu)
Við mælum með að allir fari og hlusti á Nordisk Familebok í sumar en þeir verða iðnir við spilerí í Kópavognum og ætlum við láta ykkur vita hvar og hvenær þeir munu troða upp.
ps. þeir eru rosa sætir
nordisk kveðja RANDOM ARTICLE
Lesa meira af: Nordisk Familjebok »
PÍPÓLA
Agla og Sigrún lögðu leið sína í hjarta Reykjavíkurborgar til þess að hitta skemmtilegt ungt fólk sem eru í skapandi sumarstarfi í Molanum og verða þau spilandi á ýmsum stöðum í Kópavoginum í allt sumar – t.d. í strætó svo dæmi sé tekið.
Þið eruð hljómsveitin Pípóla!
Upphefjast miklar rökræður um hvað þau eru; tónlistarhópur, skemmtikraftar, hljómsveit, útkoman varð…
- Við erum svo miklu meira en það!
Á hvað spilið þið?
Eva Halldóra: Ég syng bara, er meira svona þessi með tamborínuna..
Gísli Gunnar: Ég spila á gítar, píanó og ýmislegt tilfallandi. Svo syng ég líka.
Aron Steinn: Ég syng og spila a nasaflautu (Eva hrópar: Hann spilar líka á trompet).
Salka Sól: Ég syng og glamra á allskonar hljóðfæri, meðal annars harmonikku.
En í rauninni geta þau spilað á næstum allt – mjög fjölhæfur tónlistarhópur hér á ferð.
Nú eru þið öll frekar klikkuð, hver er mesti flippskúnkurinn í Pípólu?
Aron virðist fá flest atkvæði!
Salka: En annars eru Eva og Aron eins og systkini og æsa hvort annað alltaf upp í eitthvað rugl.
Blaðamaður kemur með óviðeigandi brandara sem er of grófur fyrir Molann um það að þau æsi hvort annað upp.
Hvernig tónlist spiliði?
Alla!
Allt frá Viltu dick yfir í skýin og regnbogann. Alls kyns ábreiðutónlist.
Hvernig hljómar sumarið?
(þau missa sig öll og svara öll í einu…)
Vel
LALALA
DOREMÍFAAA
Hljómar eins og blús-skalinn!
Salka þaggar niður í þeim og segist búast við því að sumarið verði bara skemmtilegt og að þau ætli að vera dugleg að æfa sig.
Við ætlum að að fylgjast með þeim í sumar og látum ykkur vita þegar hin frábæra Pípóla lætur sjá sig í Kópavoginum!
kveðja RANDOM ARTICLE
Lesa meira af: PÍPÓLA »
Útidúr og Pascal Pinon í Háteigskirkju
Þriðjudaginn 15. júní mun hljómsveitin Útidúr halda tónleika í Háteigskirkju ásamt hinu frábæra bandi Pascal Pinon.
Allur ágóði mun renna í upptökur á fyrstu breiðskífu Útidúrs, en sveitin er á leiðinni í stúdíóið Sundlaugin núna í júlí til að taka upp.
Húsið opnar 19:30 og fyrsta hljómsvetin mun stíga á stokk stundvíslega klukkan 20:00. 1000 kr inn.
Útidúr er ung en stór hljómsveit sem flytur metnaðarfullt indie-gleðipopp með dramatískum blæ. Ef fólk vill fleygja einhverjum útlenskuslettum fram þá eru lögin svolítið „widescreen“, enda eru tólf manns í bandinu, líka eru margir sem halda því fram að tónlistin sé nokkuð „cinematic“ en það fer þó augljóslega eftir hvernig mynd um er að ræða.
Í sumar mun Útidúr taka upp sína fyrstu breiðskífu í Sundlauginni. Engin niðursveifla er til staðar í lifandi flutning hjá Útidúr sem einkennist af krafti og spilagleði. Einnig er búið að koma fyrir forsmekk á netinu af komandi plötu.
Pascal Pinon hefur á stuttum starfstíma sínum eignast marga aðdáendur en hljómsveitin tók þátt í Músíktilraunum á síðasta ári, nýlega gáfu þær út plötuna “Pascal Pinon” og vakti hún mikla athygli. Hljómsveitin samanstendur af fjórum 15-16ára stúlkum úr vesturbænum.
www.myspace.com/pascalpinon
Ekki láta þetta stórbrotna tækifæri til að njóta tónlistar þessara hljómsveita við þessar einstöku aðstæður fram hjá þér fara. Í kirkju.
*Athugið* þar sem hljómsveitin Útidúr verður upptekin við upptökur í sumar þá verða þetta líkegasta síðustu tónleika þeirra í sumar. Fyrir utan að spila á Jónsvöku 24. júni.
Lesa meira af: Útidúr og Pascal Pinon í Háteigskirkju »
Védís Alma í Gallerí Sykri
Listamaðurinn sem sýnir nú í Gallerí Sykri heitir Védís Alma Jónsdóttir. Hún er aðeins nítján ára og er þetta hennar fyrsta sýning. Teikningar hennar eru flestar unnar með blýanti eða penna og verða til áreynslulaust. Hún skissar ekki, heldur kemur hugmyndin fullmótuð niður á blað. Litir eru notaðir sparlega, helst til að ná fram hughrifum eða til að undirstrika sjálfa teikninguna.
Hingað til hefur Védís helst verið að teikna fyrir sjálfa sig á venjuleg A4 blöð og hefur ekki sótt sér neina menntun í faginu. Ljóst er að hér er hins vegar um náttúrutalent að ræða og með smávegis hvatningu setti hún upp metnaðarfulla sýningu í Molanum. Sýning hennar í Gallerí Sykri stendur til 16. júní og eru allir hvattir til að kíkja við.
Allir eru velkomnir og aðgangur ókeypis!
Lesa meira af: Védís Alma í Gallerí Sykri »
Molinn á Kópavogsdögum 2010
Kópavogsbær efndi til árlegrar bæjarlistahátíðar á dögunum þar sem menningarstofnanir kynntu starfsemi sína og buðu bæjarbúa og aðra gesti velkomna. Var dagskráin glæsileg og stóð fólki til boða að sækja yfir 200 viðburði. Í ár voru Kópavogsdagar tileinkaðir listamanninum Sigfúsi Halldórssyni en hann var afkastamikill á sviðum myndlistar og tónlistar.
Dagskrá Molans á Kópavogsdögum var fjölbreytt og skemmtileg. Föstudaginn 14. maí var haldið menningarpartý þar sem þemað var franskt og bakkelsið heimalagað. Valgerður Ýr Magnúsdóttir, nemi, sá alfarið um veitingarnar en hún er að safna sér fyrir námi í lýðháskóla í Noregi. Tilvonandi starfsmenn Skapandi sumarstarfa mættu á svæðið og voru boðnir sérstaklega velkomnir ásamt því að Linda Udengård opnaði myndlistarsýningu í Gallerí Sykri.
Laugardaginn 15. maí var haldið svokallað Molaport í Molanum. Það er markaður sem Ungliðahreyfing Rótarý hefur staðið fyrir undanfarin tvö ár. Þar var að kenna ýmissa grasa og gat fólk nælt sér í alls konar varning á vægu verði, gætt sér á veitingum og hlustað á lifandi tónlist. Byrjað var á því að heiðra listamanninn Sigfús Halldórsson með tónleikum undir yfirskriftinni: “Hvernig heyrir unga fólkið Fúsa?”. Ungt og upprennandi tónlistarfólk úr Kópavogi steig á stokk og lék helstu dægurperlur Sigfúsar. Þess ber að nefna að þau nutu leiðsagnar Björns Thoroddsen, eins fremsta gítarleikara landsins. Tónleikarnir voru afar vel heppnaðir og framtakið lofað með dynjandi lófataki gesta. Ungir tónlistarmenn héldu áfram að eiga sviðið og fram komu meðal annars hljómsveitin Tímaþjófarnir, Andra-tríóið, Quasi-kvartettinn, ungar blússöngkonur úr FÍH og fleiri.
Lesa meira af: Molinn á Kópavogsdögum 2010 »